ప్రభూ,
నీకిది జగన్నాటకం
నాకిది ప్రాణ సంకటం
అన్నిటికి అతీతుడవు నీవు
అన్నిటికి బద్ధురాలిని నేను
నాకంతా ద్వంద్వం
నీకంతా అనంతం
రాక పోకల నలిగేను నేను
రాక పోకలు లేక వెలిగేవు నీవు
భక్తితో బంధించ వచ్చునట నిన్ను
రక్తిలో మునిగియున్నాను నేను
నాలో వుంటూ నాకు దూరం నీవు
నీలో వుంటూ నీకు దూరం నేను
అనంతకాలం నుండి ఆడుతున్న ఆటలో
ప్రతిసారి ఓడిపోతున్నది నేనే
కాదు, ప్రతిసారి గెలుస్తున్నది నేనే
అదెలా?
నేను ఓడినా చేరేది నీ ఒడే కాబట్టి
నీ ఒడి చేరటమే నా గెలుపు కాబట్టి
నీ వెలుగులో కలవటమే నా తుది మలుపు కాబట్టి
Subscribe to:
Post Comments (Atom)
No comments:
Post a Comment